بجنيه ونص هتعملى معجزات لبشرتك

الوصفه الاولى
هيه لتفتيح الوش ويخليه ينور وكمان تغذيه

الماسك بقا عباره عن

معلقه صغيره ترمس مر مطحون + معلقه صغيره لبن نيدو
(الكيس ب جنيه ونص برضو)
وتعجنيهم على بعض بمايه دافيه وممكن تضيفى عسل لتغذيه البشره
وحطيهم على وشك حوالى ربع ساعه او اكتر زى ما تحبى

وبس تغسلى وشك كويس بمايه عاديه او بمايه ورد

**ملحوظه لولبيه**

ممكن تحطى بدل اللبن زبادى ( لو بشرتك مش بتتحسس من الزبادى)
او ممكن تحطى كمان مايه ورد
( الازازه الصغيره ب جنيه ونص برضو)

لو بشرتك ناشفه وجافه انصحك تحطى زبادى لانه هيطرى بشرتك
لو بشرتك عاديه حطى مايه ورد او لبن
الوصفه التانيه
كلكم هتحبوها اوى اوى
لانها بتقلل الشعر وظهوره فى الجسم

** الطريقه هيه
انك هتجبى شويه ترمس مر مطحون وتنقعيهم فى المايه لمده
5 او 6 ساعات
وبعدين تصفيه بالمصفا الصغيره وتاخدى المايه تحطيها فى
برطمان او حطيها فى بخاخه
وبقيت كل يوم أرش
لمده أسبوع تقريبا وتعنيهم فى التلاجه
عشان ما يبوظش

و كل مره بتعملى سويت فيها بعد ما تخلصى تتدهنى
من مايه الترمس دى
وبس سبيها على جسمك شويه والبسى عادى هدومك

هتفضلى تدهنى من المايه دى طول الاسبوع الاول بعد السويت
يعنى هتدهنى يجى 3 مرات فى الاسبوع مش مره واحده وخلاص
وممكن تستخدموه فى الرجل والمناطق الحساسه والأيد

أيه اللى حصل بقى


الشعر طلع بسسسسسسسسسسس


فيه حتت فارغه تماما من الشعر

وباذن الله هتلاقوا الاول الشعر بيتاخر فى الظهور كل مره

لغايه ما يخف ويبقا ضعيف وهيبقا سهل انه يتشال


** طيب يا بت يا يوكا هنرمى الترمس اللى فى المصفا ده
هقولك لاء طبعا مش هنرميه خساره ده بجنيه ونص بحاله

هنجيب الترمس اللى اتبقا ده ونحطه على وشنا زى
الماسك الاولانى الجميل ال فوق ده
هتلاقى وشك نور وجميل

وهقولكم كمان على حاجه حبيبتى صحبتى ميرو 2000
قالتلى ممكن تجيبى كريم السعد (ماركه الكابتن من العطار)
وتدهنى منه بعد السويت
بيدى نفس النتيجه وبيقلل الشعر